သံယောဇဉ် ဥယျာဉ်

 ရက်စွဲ။ ။ ၂၀၁၂ ခုနှစ် ၊ စက်တင်ဘာလလ ၊ (၁၈ )ရက် 

၁ ။ ကျွန်တော်သည် တပ်မတော် (လေ) တွင် အနှစ်(၃၀)တာဝန်ထမ်းဆောင်ပြီး အငြိမ်းစားယူခဲ့သော ဒုဗိုလ်မှူးကြီး လှဝင်း(လေ- ၁၇၈၅) ဖြစ်ပါသည်။ ကျွန်တော်သည်ဇာတိမြေကော့ကရိတ် တွင်အခြေချနေ ထိုင်ပါ သည်။ ကော့ကရိတ်မြို့တွင်နေထိုင်မှုကုန်ကျစရိတ်နှင့်ကျွန်တော်၏ ပင်စင်လစာမှာလုံလောက်မှု မရှိသောကြောင့် အပိုဝင်ငွေ ရရှိရန်အတွက် မြ၀တီမြို့မှ ဦးစိန်ဝင်းနှင့် ဆက်သွယ်၍ ဦးစိန်ဝင်းပိုင် ဆိုင်ခန်းတွင် တယ်လီဖုန်း အနီး/အဝေး ပြောနှင့် အအေးဆိုင် ဖွင့်လှစ်ရန် (၃ . ၈ . ၂၀၁၂) တွင်ရောက်ရှိပြီး ဆိုင်ဖွင့်ခဲ့ပါသည်။ ထိုသို့နေ ထိုင်ရာတွင်ဦးစိန်ဝင်းမှ၎င်း ပိုင်ဆိုင်သောမြေ များကိုနိုင်ငံတော်မှသိမ်းဆည်းထားသည်ဟုပြောဆိုပြီး အုပ်ချုပ်ရေးအဖွဲ့များမှ မတရားသိမ်း ယူနေကြောင်း ပြောဆို၍ သိရှိခဲ့ရပါသည်။ ကျွန်တော်မှ ““ထိုသို့သိမ်းယူခြင်းနှင့် ပတ်သက်၍နိုင်ငံတော်မှ သိမ်းယူထားကြောင်း အထောက်အထားတစ်စုံတရာပြပါသလား””ဟုမေးမြန်းရာတွင် “မြေစတင်သိမ်းဆည်း သည် ဟုပြောဆိုသည့်၂၀၁၀ခုနှစ်မှယနေ့အထိတစ်စုံတရာပြသခြင်းမရှိပါ””ဟုသိရှိ ခဲ့ရပါသည်။ ဦးစိန်ဝင်းအား ယခင်ပြောင်းရွှေ့သွားသော ခယကဥက်္ကဌ ဦးအောင်ဆွေညွှန့်မှ မတရားအမှုတင်၍ သက်သေခိုင်လုံခြင်းမရှိဘဲထောင်တစ်နှစ်ချမှတ်ခဲ့သည့်အမိန့်တွင်လည်း၎င်းင်းပိုင်ပစ်္စည်းများသိမ်းဆည်းရန် အမိန့် မပါရှိကြောင်း ပြောဆိုပါသည်။ ဦးစိန်ဝင်းအား ပစ်ဒဏ်ချမှတ်မှု မှတ်တမ်းကို နောက်ဆက်တွဲ (က) ဖြင့်တင်ပြ အပ်ပါသည်။ ၎င်းင်း၏ ပြောဆိုချက်များအရ မတရားခံနေရသည်ဟု ယူဆပါသဖြင့် ကျွန်တော်မှ ဦးစိန်ဝင်းကိစ်္စ များအား ကူညီဆောင်ရွက်ရန် Special Power  ဖြင့်ကူညီဆောင်ရွက်ပေး ခဲ့ပါသည်။ 

၂။ ကျွန်တော်ဆိုင်ဖွင့်နေထိုင်စဉ် ၇ . ၉ . ၂၀၁၂ ရက်နေ့ညနေ ၄ နာရီအချိန်တွင် စစစ(စသုံးလုံး)ဦးစီး အရာရှိဦးလင်းဦး ဦးဆောင်သောအဖွဲ့ဝင်(၆) ဦးခန့်ရောက်ရှိလာပြီး ဦးစိန်ဝင်းပိုင်ဆိုင်ကြောင်း အမှတ်အသား ဆိုင်းဘုတ်များဖြုတ်ရန် ဆောင်ရွက်သဖြင့် ကျွန်တော်မှ ကန့်ကွက်ခဲ့ပါသည်။ ၈ . ၉ . ၂၀၁၂ ရက်နေ့တွင် မြို့နယ်အုပ်ချုပ်ရေးမှူးရုံးမှ““တွေ့ဆုံဆွေးနွေး ရန်ကိစ်္စ””ဟူသောအကြောင်း အရာဖြင့် လူကြီးမင်း နှင့်ဦးစိန်ဝင်း ပိုင်ခြံမြေများကိစ်္စအား တွေ့ဆုံဆွေးနွေးရန်၈.၉.၂၀၁၂ရက်နေ့(၁၃- ၀၀) နာရီ တွင်မြို့ နယ်အုပ်ချုပ်ရေး မှူးရုံးခန်းသို့ မပျက်မကွက် တက်ရောက်ရန် အကြောင်းကြားစာ ရရှိခဲ့ပါသည်။ အကြောင်းကြားစာအား နောက်ဆက်တွဲ(ခ) ဖြင့်ပေးပို့ပါသည်။ ကျွန်တော်မှချိန်းဆိုထားသည့်အတိုင်း အချိန်မှီသွားရောက်ခဲ့ပြီး ဆွေးနွေး ရာတွင် ကျွန်တော့်အား ဦးစိန်ဝင်းမှ လွှဲအပ်ထားသောSpecial Power မှာ မှတ်ပုံတင်ထားခြင်း မရှိသဖြင့် အကျုံးမ၀င်ကြောင်းပြောဆိုသဖြင့်၎င်းင်းအားရုပ်သိမ်းခဲ့ပြီး အုပ်ချုပ်ရေး အဖွဲ့မှကျွန်တော်အား မြေနှင့်ပတ်သက်၍ ပြောဆိုခွင့်မရှိကြောင်းနှင့် အမြန်ထွက်ပေးရန် ပြောဆိုသဖြင့် ကျွန်တော်မှ ထွက်ပေးမည်ဟု ပြောဆိုခဲ့ပါသည်။ ဆိုင်းဘုတ်များကို လည်း ဖြုတ်ပေးရန်ပြောဆို သဖြင့် ကျွန်တော် ကဖြုတ်ပေးမည်ဟုပြောဆိုခဲ့ပါသည်။ ကျွန်တော် မှ၎င်းင်းမြေအား နိုင်ငံတော်မှတရားဝင်သိမ်းဆည်း ထားပါကအထောက်အထားပြပါဟုပြောဆိုရာမြို့နယ်အုပ်ချုပ် ရေးမှူးမှပြနိုင်ခြင်းမရှိကြောင်း ပြောဆိုပါသည်။ မြေနှင့်ပတ်သက်၍လုပ်ပိုင်ခွင့်မရှိသော်လည်း မြေပေါ်တွင်နေထိုင်သူ တစ်ဦးအနေဖြင့် တောင်းဆိုခြင်းဖြစ်ရာ ငြင်းဆန်ခဲ့သဖြင့် ကျွန်တော်ပြန်လာခဲ့ပါသည်။ ၃ ။ ၁၀.၉.၂၀၁၂ရက်နေ့တွင်အမှတ်(၄)ရပ်ကွက်အုပ်ချုပ်ရေးမှူး၏ ကိုယ်စား အဖွဲ့ဝင်ဦးတင်အေး ကျွန်တော်ထံ ရောက်ရှိလာပြီး ဆိုင်းဘုတ်များအား ဖြုတ်ပေးရန် မြို့နယ်အုပ်ချုပ်ရေးမှူးမှ လာရောက်ပြောဆို ခိုင်းကြောင်း ပြောဆိုသဖြင့် ကျွန်တော်မှ နိုင်ငံတော်၏ တရားဝင်သိမ်းဆည်းထားကြောင်းအမိန့်နှင့် သက်ဆိုင် ရာဝန်ကြီးဌာန၏ သဘောထားမှတ်ချက်ကိုတောင်းခံပါသည်။ လာရောက်ပြောဆိုသူအုပ်ချုပ်ရေးမှူး၏ ကိုယ်စား လှယ်မှ တယ်လီဖုန်းဆက်၍ ကျွန်တော်အား ရပ်ကွက်အုပ်ချုပ်ရေးမှူးတိုက်ရိုက်ပြောရန် ဖုန်းလာပေးသဖြင့် ရပ်ကွက်အုပ်ချုပ်ရေးမှူးအား အထက်ပါ အချက်(၂)ကိုသာ တောင်းဆိုခဲ့ပါသည်။ အဆိုပါအချက်(၂)ချက်ကို တောင်းဆိုရခြင်းမှာလည်း (၁၅ . ၈ . ၂၀၁၂) ရက်နေ့တွင် ပြုလုပ်သော ဒုတိယအကြိမ် စီမံကိန်းကော်မရှင် တတိယနေ့အစည်းအဝေးတွင်နိုင်ငံတော်သမ်္မတကြီး၏ မြေနှင့်အိမ်ရာစီမံခန့်ခွဲမှုကိုသက်ဆိုင်ရာဝန်ကြီးဌာန၏ သဘောထားမှတ်ချက်မပါဘဲ တိုင်းဒေသကြီးနှင့် ပြည်နယ် အစိုးရများမှ တိုက်ရိုက်စီမံခန့်ခွဲမှု မပြုလုပ်ရန် ညွှန်ကြားချက်အား ကိုးကား၍တောင်းဆိုရခြင်း ဖြစ်ပါသည်။ ၁၂.၈.၂၀၁၂ရက်နေ့ညနေ(၅)နာရီအချိန်ခန့်တွင် မြို့နယ်အုပ်ချုပ်ရေးမှူး၊ မြို့နယ်ရဲမှူး နှင့်စစစ(စသုံလုံး) ဦးစီးအရာရှိအဖွဲ့ထပ်မံရောက်ရှိလာပြီး ဆိုင်းဘုတ်များ ဖြုတ်ပေးရန်၊ ခြံမြေမှထွက်ခွာပေးရန်ပြောဆိုသဖြင့်မြေနှင့်ပတ်သက်၍ကျွန်တော့်တွင်လုပ်ပိုင်ခွင့်မရှိသောကြောင့် ဦးစိန်ဝင်း၏ မန်နေဂျာနှင့်တွေ့ဆုံဆွေးနွေး စေခဲ့ပါသည်။ ကျွန်တော့်အားထွက်ပေးရန်ပြောဆိုသဖြင့်ကျွန်တော်၏ ဂုဏ်သိက်္ခာကိုထောက်ထားသောအားဖြင့် ဖယ်ရှားပေးရမည်ဆိုလျှင်လည်း စာဖြင့် စနစ်တကျမောင်းထုတ် ဖယ်ရှားရန် နှင့် ခင်ဗျားတို့၏ လုပ်ဆောင်ချက်များသည် သမ်္မတ၏ညွှန်ကြားချက်ကို ကျော်လွန်နေကြောင်း ပြောဆိုခဲ့ပါသည်။ မြို့နယ်အုပ်ချုပ်ရေးမှူးမှ အန်ကယ်သိသည့် အပိုင်းအစလေးများနှင့်မပြောရန် တပ်မတော်သားချင်း သံယောဇဉ်ဖြင့်မဖြစ်သင့်တာတွေမဖြစ်ရအောင်အသိပေးခြင်းဖြစ်ကြောင်း ပြောဆိုပါသည်။ ၁၃ . ၉ . ၂၀၁၂ တွင် ၈ . ၉ . ၂၀၁၂ ရက်နေ့ကတွေ့ဆုံသော အစည်းအဝေးမှတ်တမ်းကို ကျွန်တော့်ထံ လာပေးသဖြင့် ဖတ်ကြည့်ရာ ကျွန်တော်နှင့် တွေ့ဆုံဆွေးနွေး ရာတွင် ပြောဆိုခြင်းမရှိသော စကားရပ်များ ၊ ဆွေးနွေးသောအကြောင်းအရာနှင့်မသက်ဆိုင်သောအကြောင်းအရာများကို၎င်းင်းတို့လိုရာသဘောထားအတိုင်း အစည်းအဝေးဆုံးဖြတ်ချက်ကို ချမှတ်ပေးပို့လာခြင်း ဖြစ်ပါသည်။ တွေ့ဆုံဆွေးနွေးစဉ်က အစည်းအဝေး ပြုလုပ်သည်ဟု မပြောသည့်အပြင် ကျွန်တော့်အား အစည်းအဝေးဆုံးဖြတ် ချက်ထုတ်ပြန်မည်ဟုလည်း မပြောဆိုခဲ့ပါ။ အစည်းအဝေးဆုံးဖြတ်ချက်အား နောက်ဆက်တွဲ (ဂ) အဖြစ်ဖော်ပြ အပ်ပါသည်။ ၄ ။ သက်ဆိုင်ရာအုပ်ချုပ်ရေးအဖွဲ့များ၏ ပြည်သူအပေါ်ဖောက်လွဲဖောက်ပြန်မမှန်မကန်ဆောင်ရွက်နေမှုများ ကို ကိုယ်တိုင်မျက်ဝါးထင်ထင် မြင်တွေ့နေရသည်ဖြစ်၍ သက်ဆိုင်ရာလူကြီးမင်းတို့အနေဖြင့် လုပ်ပိုင်ခွင့်ကို အသုံးချ၍ အာဏာအလွဲသုံးစား မပြုလုပ်စေရန် နိုင်ငံတော်၏အမြင့်ဆုံး သမ်္မတကြီး၏ ညွှန်ကြားချက်ကိုပင် မထိမဲ့မြင်ပြုပြောဆိုသောသက်ဆိုင်ရာအုပ်ချုပ်ရေးမှူး နှင့်အဖွဲ့များကိုထိရောက်စွာအရေးယူပေးစေလိုပါသည်။ ယခုသိမ်း ဆည်းရန် ကြံစည်နေသော မြေနေရာများနှင့် ပတ်သက်၍ ဦးစိန်ဝင်းပိုင်ဆိုင်ကြောင်း အထောက်အထားများကိုကျွန်တော်ကိုယ်တိုင်လည်း သိရှိထားပါသည်။ တနယ်တကျေးမှပြောင်းရွှေ့လာရောက်၍ မှီခိုလုပ်ကိုင်နေသူ များလည်း ရှိသည်ဖြစ်ရာ သက်ဆိုင်ရာ၏ ဆောင်ရွက်မှုများသည် အားလုံးအခက် အခဲတွေ့နိုင်သည်ဖြစ်၍နိုင်ငံတော်၏ မိဘသဖွယ်ဖြစ်သောဌာနဆိုင်ရာအကြီးအကဲများအနေဖြင့်အုပ်ချုပ်ရေးအဖွဲ့၏ လော်မာဖောက်ပြား ဆောင်ရွက်နေမှုများကို တားမြစ်ပေးနိုင်ပါရန် တင်ပြတိုင်ကြားရခြင်း ဖြစ်ပါသည်။

လေးစားစွာဖြင့်  

ဦးလှဝင်း 

 လေ - ၁၇၈၅

 ဒုဗိုလ်မှူးကြီး (ငြိမ်း) 

 တပ်မတော် (လေ) 

 မိတ္တူကို - 

 - နိုင်ငံတော်သမ္မတ ၊ နိုင်ငံတော် သမ္မတရုံး ၊ နေပြည်တော် 

 - လွှတ်တော်ဥက္ကဌ ၊ ပြည်သူ့လွှတ်တော် ၊ နေပြည်တော် 

 - ၀န်ကြီးချုပ်၊ ကရင်ပြည်နယ်အစိုးရအဖွဲ့၊ ဘားအံ 

 - ခရိုင်အုပ်ချုပ်ရေးမှူး ၊ခရိုင်အထွေထွေအုပ်ချုပ်ရေးဦးစီးဌာန၊ မြ၀တီခရိုင် ၊ ကရင်ပြည်နယ် 

 - မြို့နယ်အုပ်ချုပ်ရေးမှူး ၊မြို့နယ်အထွေထွေအုပ်ချုပ်ရေးဦးစီးဌာန၊ မြ၀တီမြို့နယ် ၊ ကရင်ပြည်နယ်